Запрашаем на чарговую сустрэчу з новага цыклу Жанчыны разам - "Цікаўнасць да жыцця".
7 верасня (серада), 18:00
Беларускі Дом у Варшаве (ul. Kryniczna 6)
УДЗЕЛ - бясплатны па рэгістрацыі праз анкету
Пасля невялікага перапынку зноў сустракаемся, каб ствараць. Калі на мінулай сустрэчы мы ўбачылі форму ўласнай сілы разбурэння, то ўжо ў гэты раз пойдзем у напрамку стварэння новага і кантакту з жыццём. Працягваючы даследаваць розныя грані цікаўнасці да жыцця, візуалізуем нашу сэксуальнасць і жаданне жыць смачна.
Механіка сустрэчы: кожная сустрэча - гэта група падтрымкі для беларусак, якія пражываюць у Польшчы. Гэта жаночае кола ўзаемадапамогі, цёплых зносін і магчымасці падзяліць досведам жыцця ў новай краіне. Кожная сустрэча прадугледжвае знаёмства, інфармацыю, звязаную з агульнай тэмай сустрэчы і індывідуальныя ці сумесныя практыкаванні, якія дапамогуць лепш пазнаць сябе і знайсці новыя спосабы рэагавання і адаптацыі. У перапынку заўсёды ёсць магчымасць выпіць гарбату ці каву і пагутарыць за межамі круга.
На сустрэчах будзем вучыцца заўважаць таксічныя перажыванні і правядзём вялікую дэтаксікацыю. Кожная сустрэча - гэта знаёмства з сабой і з выдатнымі жанчынамі, удзельніцамі сустрэч. Марта Скугарава (псіхатэрапеўтка і мадэратарка сустрэчаў) і Кацярына Кузіна (інструктарка ёгі) забяспечаць далікатную і бяспечную атмасферу, падрыхтуюць практыкаванні і правядуць праз працэс эмацыйнай дэтаксікацыі.
Каб прыняць удзел у сустрэчах для жанчын неабходна запоўніць анкету ніжэй.
Лічба месцаў абмежаваная - з Вамі скантактуюцца праз email (УВАГА! Чаcам нашыя e-mail-ы трапляюць у спам, таму правярайце яго таксама)